مواضيع اخرى:
مكرونة فيتوتشيني بالفراخ و المشروم (كريمي) و بطريقة خفيفة و صحية
المقادير
– ١٠٠ جرام مكرونة فيتوتشيني (الوزن بعد التسوية)
– ١٠٠ جرام صدور فراخ (الوزن قبل التسوية)
– ١٠٠ جرام مشروم
– ١٠٠ ملي لبن خالي الدسم
– ٢ م ص دقيق شوفان
– نص كوب شوربة فراخ (ممكن نص مكعب ماجي في نص كوب ميه سخنة)
– م ص زيت زيتون
– ملح و فلفل اسود و توم و بصل بودر
الطريقة
نقطع الفراخ قطع صغيرة و نتبلها بالملح و الفلفل الاسود و التوم و البصل البودر
في طاسة سخنة و عليها زيت زيتون نحط الفراخ و نشوحها لحد ما تاخد لون
نقطع المشروم و نضيفه للفراخ و نقلب كويس لحد مالفراخ تستوي
نحط دقيق الشوفان على اللبن و نقلب كويس و نحطه على الفراخ و نحط بعد كده الشوربة و نفضل نقلب
نضيف المكرونة و نقلب كله مع بعض كويس (ممكن نزود ربع كوب من ميه سلق المكرونة)
نسيبها على نار هادية لحد مالصوص يتقل
.
.
السعرات الحرارية للوجبة ٣٩٠
