مواضيع اخرى:
من الاكلات السريعة و السهلة اللي بعملها علشان انجز في الوقت و نسبة البروتين فيها كويسة
📝 المقادير
– ٢٥٠ جرام كبدة فراخ (الوزن قبل التسوية)
– ٥٠ جرام مكرونة شوفان (الوزن قبل التسوية) @lino.oats
– بصلة متوسطة
– م ص زيت زيتون
– ملح فلفل اسود
– بصل و توم بودر
👨🍳 الطريقة
– هنسلق المكرونة نص سلقة في كمية مية صغيرة (هنحتاجها بعدين)
– هنغسل الكبدة كويس خصوصا لو معاها قلوب لازم نفتح القلب و ننضفة من جوة
– هنقطعها قطع صغيرة و نتبلها بالبملح و الفلفل و البصل و التوم البودر
– في طاسة هنحط زيت الزيتون و نحط البصلة بعد مانقطعها قطع صغيرة و نقلب لحد ما تاخد لون
– هنضيف الكبدة و نشوحها شوية لحد مالونها يتغير
– هنضيف عليها المكرونة بالميه بتاعتها (ماتكونش كتير) الفكرة علشان المكرونة تكمل سواها و تاخد طعم الكبدة
– هنغطيها و نسيبها على نار هادية لحد ما تشرب المية
.
.
.
🔥 السعرات الحرارية للوجبة كامله ٥٤٠ و فيها
– ٤٩ جرام بروتين
– ٤١ جرام نشويات
– ١٨ جرام دهون
