مواضيع اخرى:
المقادير
– ١٠٠ جرام صدور فراخ (الوزن قبل التسوية)
– ١٠٠ جرام مكرونة (الوزن بعد التسوية)
– ريحان فريش
– ٢٠ جرام لوز ني مقشر
– م ك زيت زيتون
– ٢٠ جرام جبنة جودة لايت
– نص م ص توم مهروس
– ربع كباية لبن خالي الدسم و عليها ربع كباية مية سلق المكرونة
– م ص دقيق شوفان
– طماطم شيري
– ملح فلفل اسود توم و بصل بودر و بهارات فراخ
الطريقة
– البيستو
البيستو فيه سعرات عاليه علشان الزيت و اللوز .. احنا هنستخدم ربع الكمية اللي هنعملها و الباقي هنحطه في التلاجة عادي
البيستو الاصلي بيتعمل بالصنوبر و الجبنة البارميزان .. انت ممكن تستخدم اي نوع مكسرات عادي
هنحط الريحان و الزيت و التوم و الجبنة و اللوز في الكبة و نضربهم كويس اوي .. بس كده 😃
– الفراخ
هنقطع الفراخ قطع زي الشاورما و نتبلها ملح و فلفل اسود و توم و بصل بودر و بهارات الفراخ
في طاسة سخنة و عليها رشه زيت نحط الفراخ لحد ما تستوي
نحط اللبن و ميه سلق المكرونة و الشوفان على الفراخ
ننزل بالمكرونة و نقلب بعدين نحط البيستو و الطماطم و نقلب على نار هادية
.
.
السعرات للوجبة كامله ٣٧٠
