مواضيع اخرى:
مكرونة اسباجتي بزيت الزيتون و الثوم 😃 دي طريقة ايطالية سهلة و بسيطة و طعم الاسباجتي تحفة
المقادير
– ١٠٠ جرام اسباجتي (الوزن بعد التسوية)
– م ك زيت زيتون
– فص توم
– ١٠٠ جرام لحمة مفرومة (نسبة الدهون ٥% و الوزن قبل التسوية)
– بصلة صغيرة
– ملح و فلفل اسود و ثوم و بصل بودر
– م ص دقيق شوفان
الطريقة
١- ال meat balls
هنفرم البصلة و نصفيها من الميه
هنحط البصلة على اللحمة المفرومة و نحط البهارات و نضيف عليها معلقة دقيق الشوفان و نقلبهم كويس
نشكلها على شكل كور صغيرة و نحطها في صينية عليها ورقة زبدة و ندخلها الفرن على درجة حرارة ٢٢٠ لمده ٣٠-٤٠ دقيقة تقريبا
٢- المكرونة
هنسلق المكرونة (ميه و ملح بس)
نحط معلقة زيت الزيتون في طاسة على نار هادية جدا و نضيف الثوم بعد ما نقطعة شرايح رفيعة على ما نقدر
هنسيب الثوم و الزيت مع بعض لحد ما الثوم يتحمر و لونة يكون بني
بعدين نحط المكرونة على الزيت و نقلب كويس لحد ما المكرونة تتغطى كلها بالزيت
نضيف عليها شوية بقدونس
بس كده
.
.
السعرات الحرارية للوجبة كاملة ٤٥٠
