مواضيع اخرى:
دي طريقة كويسة و سهلة علشان نقلل السعرات على قد مانقدر و الطعم مضبوط جدا
المقادير
– ٢٠٠ جرام صدور فراخ
– بيضة
– ١ و نص توست بني
– ٣٠ جرام او شريحتين سموكد تركي
– ٤٥ جرام او ٤ شرايح سموكد بيف
– شريحتين جبنة شيدر لايت
– ملح و فلفل اسود و بابريكا و ثوم بودر
الطريقة
هنقطع الصدور شرايح و نفردها بشاكوش اللحوم لحد ماتكون رفيعة اوي
نتبل الصدور بالملح و الفلفل الاسود و البابريكا و الثوم
نحط على الصدور شريحة سموكد بيف بعدين شريحة جبنة بعدين شريحة تركي و نلفهم رول
نحمص التوست بعدين نطحنه و هنستخدمه بدل البقسماط و في طبق نضرب البيضة كويس
نحط الصدور في البيض بعدين في التوست المطحون
في صينية عليها ورقة زبدة نحط الصدور و ندخلها الفرن درجه حرارة ١٨٠ من ٣٠-٤٠ دقيقة تقريبا
.
.
السعرات للوجبة كاملة ٤٧٠
.
