مواضيع اخرى:
الوصفة سهلة اوي و صحية و هتدينا طاقة بس نخلي بالنا علشان السعرات اللي فيها عالية .. من غير اضافة اي سكر طبعا فمش مسكرة اوي .. انا معتمد على السكر اللي في البلح و كمان اللوز و باقي المكونات بتعادل السكر اللي في البلح
.
.
📝 المقادير
– ٥٠ جرام لوز
– ١٠٠ جرام تمر .. استخدمت تمر الوادي و الوزن بعد ما شيلت النواة
– ٥ جرام كاكاو خام
– ٢٠ جرام زبدة فول سوداني من @abuaufshop
– ١٠ جرام جوز هند مبشور
.
.
👨🍳 الطريقة
– هننقع التمر في مية لمدة نص ساعة
– هنحط التمر و اللوز و زبدة الفول السوداني و الكاكاو في الكبة و نخلطهم مع بعض كويس اوي
– هنشكل الخليط على شكل كور (هنحاول نقسمهم بالتساوي ١٠ كور)
– هنحطهم في التلاجة نص ساعة بعد كده نرش عليهم جوز هند
– نحفظها بعد كده في التلاجة
.
.
🔥 السعرات الحرارية للواحدة ٧٥ سعر و فيها
⚡ ٢ جرام بروتين
⚡٤ جرام دهون صحية
⚡ ١٠ جرام نشويات
.
.
⚠️ خلي بالك حجم الكورة صغير انت لو اتسليت و ضربت الكمية كلها انت كده كلت ٧٥٠ كالوريز اللي هو تقريبا بمعدل نص احتياجك في اليوم .. فنمسك نفسنا شوية ⚠️
.
