مواضيع اخرى:
كباب حلة .. بطريقة صحية محسوبة السعرات
.
.
الوصفة سهلة جدا بس طبعا بتاخد شوية وقت علشان اللحمة تستوي كويس
📝 المقادير
– ١٥٠ جرام لحم احمر صافي (الوزن قبل التسوية) من @meatzshop
– ١٠٠ جرام بصل متقطع شرايح
– ٧٠ جرام رز بسمتي (الوزن قبل التسوية)
– م ك زيت زيتون
– ملح و فلفل اسود
– بهارت لحمة من @spiceoflife_egypt
– بصل و توم بودر
👨🍳 الطريقة
بالنسبة للرز .. انا بعمله بميه و ملح بس من غير اي زيت
بالنسبة للحمة
اغلب الناس بتحط البصل بعدين اللحمة .. انا بحب احط اللحمة الاول في حلة سخنة فيها معلقة زيت زيتون بشوحها لحد ما تاخد لون و تتحمر شوية من على كل جنب بعدين اضيف كل التوابل ما عدا الملح و اقلب شوية بعدين اضيف البصل
هنحط نص كباية ميه سخنة و نقلب و نهدي النار خالص و نسيبها لحد ما اللحمة تستوي كويس .. و لو الميه نقصت خالص نزود نص كباية تاني .. ما ننساش نضيف الملح قبل ماتستوي بشوية
.
.
🔥 السعرات الحرارية للوجبة كاملة ٦٠٠ و فيها
⚡ ٣٧ جرام بروتين
⚡ ٦٦ جرام نشويات
⚡ ٢٢ جرام دهون
.
.
⚠️ لو شايف ان السعرات الحرارية كتيرة بالنسبة للنظام بتاعك ممكن تعمل نص الكمية ⚠️
