الطريقة دي سهلة اوي و هنعمله في الميكرويف من غير اي زيت فالسعرات الحرارية هتكون قليلة
و اهم ميزة بقى ان مفيش حلة في الموضوع 😆 .. علشان احنا عارفين ان لو الحلة باظت الست الوالدة (او مراتك) ممكن تطفي سجاير في بطنك 🤷🏻♂️
الطريقة
هنحط ٤٠ جرام (معلقتين كبار) درة فشار في اي طبق كبير ينفع يدخل في الميكروويف …. مش هنحط اي زيت
هنغطيه بورق تغليف (نايلون شفاف بس يكون نوع كويس علشان ما يسحش من الحرارة و نعملة طبقتين) و نعمل فيه كذا فتحه من فوق علشان الهوا يخرج … او ممكن بدل النايلون نغطيه بفوطة
ندخله الميكرويف لمدة ٣ دقايق تقريبا (على حسب قوة الميكرويف اللي عندك) و نطلعه و نرش شويه ملح بس كده
.
.
اعملو فولو علشان تشوفو وصفات صحية بسعرات محسوبة تقدرو تعملوها في الدايت بتاعكم و شوية افكار و نصايح لاكل صحي
.
.
السعرات الحرارية للكمية دي ١٥٠
