مواضيع اخرى:
رز بكبدة الفراخ بطريقة سهلة و خفيفة
.
.
نسبة البروتين في كبدة الفراخ كويسة جدا .. الوجبة دي فيها تقريبا ٣٨ جرام بروتين
.
.
المقادير
– ٢٠٠ جرام كبدة فراخ (الوزن قبل التسوية)
– ٥٠ جرام رز (الوزن قبل التسوية)
– بصلة صغيرة
– م ص زيت زيتون
– ملح و فلفل اسود و بصل بودر
الطريقة
هنغسل الكبدة كويس اوي (خصوصا لو معاها قلوب .. و كمان لو هنطبخ معاها القلوب لازم نفتحها و ننضفها من جوه كويس اوي)
نقطع الكبدة قطع صغيرة و نتبلها بالملح و الفلفل الاسود و البصل البودر
نقطع البصل قطع صغيرة و نحطها في حلة على النار مع زيت الزيتون و نقلب لحد ما البصل ياخد لون
هنضيف الكبدة و نقلب كويس و نسيبها تستوي نص سوى مع التقليب كل شوية
هنضيف الرز و نقلب كله مع بعضة بعدين نحط ميه سخنة لحد ماتغطي الرز و الكبدة
نهدي النار اوي و نغطي الحلة (نفس فكرة طبخ الرز) لحد ما الرز يستوي
.
.
السعرات الحرارية للوجبة كاملة ٤٨٠
.
