مواضيع اخرى:
بطاطس بيورية باللحمة المفرومة بطريقة صحية محسوبة السعرات.. ٤٤٠ كالوريز
.
.
اعمل فولو لو مهتم بالدايت و عاوز تخس .. بعمل و صفات صحية محسوبة السعرات و الافكار كلها بسيطة علشان ماتزهقش من اكل الدايت التقليدي
.
.
وصفة سهلة جدا و خفيفة و فيها نسبة بروتين و نشويات كويسة
.
.
📝 المقادير
– ٢٥٠ جرام بطاطس
– ١٥٠ جرام لحمة مفرومة (نسبة الدهون ٥% تقريبا)
– م ص زيت زيتون
– بصلة متوسطة (١٠٠ جرام تقريبا)
– بيضة (مش هنستخدمها كلها هندهن بيها الوش بس)
– ربع كباية لبن خالي الدسم
– ملح و فلفل اسود
– فص ثوم
.
.
👨🍳 الطريقة
– هنشوح البصلة في زيت الزيتون بعدين نضيف اللحمة و الملح و الفلفل الاسود و نسيبها تستوي
– هنسلق البطاطس في مية فيها ملح و نحط معاها فص الثوم
– هنحط البطاطس في الكبة مع اللبن و شوية ملح و فلفل و نهرسها (او نضربها او نطحنها اي حاجة ) لحد ماتكون كريمي
– هنحط طبقة بطاطس في بايركس بعدين نحط طبقة اللحمة المفرومة بعدين نحط طبقة بطاطس تانية
– هنضرب البيضة مع شوية ملح و فلفل اسود و ندهن بس الوش
– هنحطها في فرن درجة حرارة ١٨٠ لمدة ربع ساعه تقريبا او لحد ماتعمل وش (هي كل حاجه مستوية اصلا)
.
.
🔥 السعرات الحرارية في الوجبة ٤٤٠ و فيها
⚡ ٤١ جرام بروتين
⚡ ١٢ جرام دهون
⚡ ٤٣ جرام نشويات
.
.
⚠️ لو شايف ان السعرات الحرارية كتير و مش ماشية مع نظامك الغذائي .. ببساطة ممكن تعمل نص الكميات اللي فوق و بكدة السعرات هتقل للنص ⚠️
.
