مواضيع اخرى:
هنعمل برجر في البيت فيه جبنة و مشروم و بصل مكرمل و هنستبدل شوية حاجات كدة علشان نقلل السعرات الحرارية على قد ما نقدر
المقادير
– ١٥٠ جرام لحمة مفرومة بنسبة دهون ٥% (الوزن قبل التسوية)
– ٥٠ جرام مشروم
– ٥٠ جرام بصل
– شريحة جبنة جودة لايت
– م ص زيت زيتون
– ٢ توست بني
– ملح و فلفل و بابريكا
الطريقة
اول حاجه هنكرمل البصل علشان ده هياخد وقت .. في طاسة نحط زيت الزيتون و نحط البصل المتقطع و نفضل نقلب و نسية على نار هادية و كل شوية نقلب لحد ماللون يتغير و يبدا يتكرمل .. بعدين نضيف المشروم و نفضل نقلب لحد ما المشروم يستوي .. اهم حاجه نقلب كويس علشان ما يتحرقش
اللحمة هنتبلها بملح و فلفل و بابريكا بعدين نعملها على شكل البرجر ( انا قسمتها على قطعتين ) و نحطها في طاسة سخنة من غير زيت و نسيبها ٢-٣ دقايق تقريبا بعدين نقلبها و نحط عليها الجبنة و نغطيها علشان الجبنة تسيح
التوست هنحطه في طاسة سخنة علشان يتحمص شوية
بعدين نحط البرجر على شريحة توست و نضيف البصل و المشروم بعدين نحط قطعة البرجر التانية (ممكن تزودو طماطم او بصل) بعدين اخر حاجه شريحة التوست التانية
.
.
السعرات الحرارية للوجبة كاملة ٤٣٠
