مواضيع اخرى:
فريك و لحمة … ٣٩٠ سعر حراري
.
.
الفريك مفيد صحيا و فيه نسبة الياف اعلى من الرز هيساعد على الشبع لفترة اطول و كمان تقريبا ضعف كمية البروتين 💪🏻
بالنسبة للسعرات تقريبا نفس سعرات الرز (انا كنت فاكر انه اقل من الرز) 🙋🏻♂️
.
.
📝 المقادير
– ١٠٠ جرام لحمة مسلوقة (الوزن بعد الطبخ)
– ٥٠ جرام فريك (الوزن قبل الطبخ)
– بصلة متوسطة متقطعة
– فص ثوم مفروم
– م ص زيت زيتون
– كمون
– ملح و فلفل اسود
.
.
👨🏻🍳 الطريقة
– اللحمة هتتسلق عادي باي طريقة اهم حاجة اللحمة تكون من غير دهون خالص
– بالنسبة للفريك
⚠️كمية الفريك صغيرة علشان انا ماشي على نظام معين ⚠️
– هنغسله كذا مره لحد ما الميه تكون صافية
– في اقوايل كتيرة للطبخ 😃
— مكتوب على كيس الفريك يتنقع قبلها ٦ ساعات 🤦🏻
— حبيبي اللزم ابو جوليا 😃 بيقول الفريك لا ينقع 🙄
— انا رجعت للمرجع الاساسي بتاعي (امي) 😃 و قالتلي يتنقع في ميه سخنة لمدة ربع ساعه و شكرا على كده 😎 ربنا يخليكي لينا ❤
– في حلة على نار متوسطة هنحط البصل و نشوحة شوية و نحط الثوم و نقلب لحد ما يدبل
– هنحط الفريك و نقلب شوية و نضيف البهارات
– هنحط مية مغلية (يتغطى بالمية) و نهدي النار خالص و نغطيه لحد مايستوي .. نفس طريقة الرز
– شوية الرمان اللي على الوش دول للتصوير ملهمش لازمة 🙋🏻♂️
.
.
🔥 السعرات الحرارية للوجبة كاملة ٣٩٠ و فيها
⚡ ٣٧ جرام بروتين
⚡ ٣٦ جرام نشويات
⚡ ١٢ جرام دهون
.
.
⚠️ لو شايف ان السعرات الحرارية كتير و مش ماشية مع نظامك الغذائي .. ببساطة ممكن تعمل نص الكميات اللي فوق و بكدة السعرات هتقل للنص ⚠️
.
.
