مواضيع اخرى:
صدور فراخ بالبروكلي و المشروم .. ٥٠٠ سعر حراري
.
.
طريقة سهلة و حلوة ندخل بيها البروكلي في الوجبة علشان هو مظلوم عند الناس شوية 😃
.
.
📝 المقادير
*** كل الاوزان قبل التسوية ***
– ١٥٠ جرام صدور فراخ
– ٥٠ جرام رز بسمتي
– ٥٠ جرام بروكلي
– ٥٠ جرام مشروم
– ٢ م ص زيت زيتون
– م ص دقيق شوفان
– ١٠٠ ملي لبن خالي الدسم
– ملح و فلفل و بابريكا
.
.
🧑🏻🍳 الطريقة
– هنعمل الرز بمية و ملح (اه من غير زيت و لا سمنة و هيستوي عادي و الله و كفاية تريقة 😒)
– هنقطع الفراخ مكعبات و نتبلها بملح و فلفل و بابريكا
– هنحطة في طاسة سخنة جدا عليها معلقة زيت زيتون لحد ما تاخد لون بعدين نهدي النار لحد ما تستوي و نحطها في طبق على جنب
– في نفس الطاسة على نار متوسطة هنحط معلقة صغيرة زيت زيتون و نحط البروكلي (لو مجمد حطوه في الميكرويف لحد ما يفك) و المشروم و نشوحهم و نتبلهم بملح و فلفل و نهدي النار لحد ما يستو
– هنحط عليهم الفراخ و نقلب على نار هادية و نكون مجهزين اللبن (دافي) و نقلب فيه دقيق الشوفان و نضيفه على الفراخ و نقلب بعدين نسيبه على نار هادية لحد مايتقل .. الصوص مش كتير بس علشان يدي حتة كريمي كده.. ممكن تزودو ملح و فلفل لو محتاج
.
.
🔥 السعرات الحرارية للوجبة كاملة ٥٠٠ و فيها
⚡ ٤٢ جرام بروتين
⚡ ٥١ جرام نشويات
⚡ ١٤ جرام دهون
.
.
⚠️ لو شايف ان السعرات الحرارية كتير و مش ماشية مع نظامك الغذائي .. ببساطة ممكن تعمل نص الكميات اللي فوق و بكدة السعرات هتقل للنص ⚠️
