مواضيع اخرى:
سالمون بطريقة صحية و سهلة جدا .. ٥٦٥ كالوريز .. 👇🏻 الوصفة
.
.
الفكرة كلها في التتبيلة … انا استخدمت الشبت في التتبيلة دي
الشبت بيدي السالمون طعم حلو جداا .. جربوها و ان شاء الله تعجبكم 🙏🏻
.
.
📝 المقادير
– ١٥٠ جرام شرايح سالمون (الوزن قبل التسوية)
– ٥٠ جرام رز بسمتي (الوزن قبل التسوية)
– ١٠٠ جرام بروكلي
– شبت
– فص ثوم مفروم
– معلقة صغيرة زيت زيتون
– ملح و فلفل اسود
.
.
👨🍳 الطريقة
– بالنسبة للرز هنسويه في مية و ملح بس
– البروكلي هنسلقة برضو في مية و ملح
— السالمون
– لو مجمد هنسيبة يفك طبعا بعدين ننشفه كويس جدا
– هنتبله بملح و فلفل
– هنعمل التتبيلة الاساسية .. هنخلط الشبت و التوم و زيت الزيتون مع بعض .. و ندهن بيهم السالمون
– هنحط السالمون في صينية (الجلد تحت) و نحطها في فرن درجة حرارة ١٨٠ لمدة ١٥-٢٠ دقيقة
.
.
🔥 السعرات الحرارية للوجبة كاملة ٥٦٥ و فيها
⚡ ٣٦ جرام بروتين
⚡ ٤٧ جرام نشويات
⚡ ٢٥ جرام دهون
.
.
⚠️ لو شايف ان السعرات الحرارية كتير و مش ماشية مع نظامك الغذائي .. ببساطة ممكن تعمل نص الكميات اللي فوق و بكدة السعرات هتقل للنص ⚠️
