موز و تفاح مجفف

موز و تفاح مجفف … ١٩٠ سعر حراري⁣
.⁣
.⁣
سناك بسيط و صحي بدل الشيبس و الحاجات المصنعة⁣
.⁣
.⁣
⚠️ هتكلم شوية عن السعرات في الفاكهة المجففة .. ممكن تنفض و تروح للطريقة على طول ⚠️⁣
.⁣
.⁣
هتلاقي كلام كتير على الانترنت بيقول التجفيف بيزود السعرات الحرارية و بيقارن بين الفاكهة الفريش و المجففة و كاتبين السعرات الحرارية في المجففة بتساوي تقريبا ٣ اضعاف الفريش و بيزود نسبة السكر !⁣

طب من الاخر الكلام اللي فوق ده (هندسيا) غلط لو اتعمل في البيت من غير اضافات زي الطريقة دي !⁣

“Energy neither created nor destroyed”⁣

⛔ طب ليه سعرات ١٠٠ جرام موز مجفف بتساوي ٣ اضعاف السعرات في ال ١٠٠ جرام فريش ؟!⁣

 علشان ببساطة لما تجفف الموز وزنة بيقل للتلت تقريبا فانت لما تاكل ١٠٠ جرام موز مجفف كانك كلت ٣ موزات (وزن الموزة المتوسطة ١٠٠ جرام)⁣

⛔ طب ليه بيكون مسكر اكتر من الفريش ؟⁣

 هي نسبة السكر هي هي بس الفكرة ان المية قلت مع التجفيف .. كانك مثلا حطيت معلقة سكر في لتر ميه و حطيت نفس المعلقة في كوباية ميه صغيرة⁣
.⁣
.⁣
كفاية هري بقى و يلا بينا على المقادير و الطريقة ⁣

 المقادير⁣

– ١ تفاح اخضر⁣

– ١ موزة متويطة⁣

– قرفة (اختياري)⁣

‍ الطريقة⁣

– هنقطع الموز و التفاح شرايح رفيعة جدا .. ممكن نستخدم قطاعة البطاطس الشيبس (معرفش اسمها ايه)⁣

كل ماتكون رفيعة هتتجفف اسرع⁣

– هنحط ورقة زبدة في صينية و نفرد عليها شرايح الموز و التفاح ( الموزة الواحدة هتملى صينية كبيرة اصلا فممكن تعملهم على مرتين و اهم حاجة الشرايح ماتكونش على بعضها نسيب مسافات بينهم)⁣

– هنرش عليها قرفة و ده اختياري⁣

– هندخلها الفرن على اقل درجة حرارة (انا عندي ١٠٠) و نسيبها من ساعة الا ربع لساعة .. هنلاقي الميه اللي فيها نشفت ⁣

– نحفظها في علبه و بس خلاص كده⁣

·⁣
·⁣
 السعرات الحرارية للوجبة كاملة ١٩٠ و فيها⁣
⚡ ٢ جرام بروتين ⁣
⚡ ٤٨ جرام نشويات ⁣
⚡ صفر جرام دهون ⁣
.⁣
. ⁣
⚠️ لو شايف ان السعرات الحرارية كتير و مش ماشية مع نظامك الغذائي .. ببساطة ممكن تعمل نص الكميات اللي فوق و بكدة السعرات هتقل للنص ⚠️⁣ ⁣
.⁣⁣
.⁣⁣

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *