مواضيع اخرى:
صدور فراخ بالصويا و البصل .. ٢٧٠ سعر حراري .. 👇🏻 الطريقة
.
.
صدور الفراخ تقريبا اساسية في اي نظام غذائي علشان فيها نسبة دهون قليلة و نسبة بروتين عالية .. فحاول تجرب تتبيلة مختلفة علشان ماتزهقش
الدايت مش اكل مسلوق بس 🙃
التتبيلة دي حلوة اوي و سهلة جدا و كمان صدور الفراخ هتكون طرية .. جربوها و قولولي رايكم
.
.
📝 المقادير
– ١٥٠ جرام صدور فراخ
– ٥٠ ملي (٣ م ك تقريبا) صويا صوص فاتح .. انا بستخدم صويا من zumra
– ١٠٠ جرام بصل متقطع شرايح
– م ص زيت زيتون
– بصل و ثوم بودر
– ملح و فلفل اسود
.
.
👨🏻🍳 الطريقة
– هنقطع صدور الفراخ شرايح صغيرة (شاورما)
– هنحط عليها البصل المتقطع و الصويا و البصل و التوم البودر و نزود شوية ملح صغيرين اوي (الصويا مملحة اصلا) و الفلفل الاسود
– هنسيبها في التلاجة ساعة او اكتر .. كل ماتكون اكتر بتكون احسن
– في طاسة سخنة هنحط زيت الزيتون و نحط الفراخ و نقلب لحد ما البصل يدبل بعدين نهدي النار لحد ماتستوي .. تقريبا ١٠ – ١٥ دقيقة
.
.
🔥 السعرات الحرارية للوجبة كاملة ٢٧٠ و فيها
⚡ ٣٦ جرام بروتين
⚡ ١٠ جرام نشويات
⚡ ٩ جرام دهون
.
.
