شوربة عدس .. ١٤٠ سعر حراري
.
.
طريقة سهلة جدا و سعراتها قليلة .. طبعا مفيش سمنة و تقلية و الكلام ده 😃 .. بس طعمها حلو
.
.
المكونات دي هتعمل ٤ اطباق و السعرات الحرارية المكتوبة دي سعرات الطبق الواحد
بلاش تضرب الحلة كلها و تقول ده اكل صحي و مش هتخن 🙂 لا هتتخن عادي جدا 🙃 الا اذا كنت حاسب سعراتك 😃
.
.
📝 المقادير
– ١٠٠ جرام عدس اصفر مغسول كويس
– نص بصلة متوسطة
– نص بطاطس متوسطة
– نص جزرة
– ١ طماطم متوسطة
– معلقة كبيرة زيت زيتون
– ملح و كمون
– بصل بودر و توم بودر
– نص مكعب ماجي
.
.
👨🏻🍳 الطريقة
– في حلة على نار متوسطة هنحط العدس و زيت الزيتون
– هنقطع الخضار و نضيفه على العدس و نقلب
– هنحط البهارات و نقلب
– هنضيف مية سخنة و الماجي و المية تكون مغطية كل المكونات
– نوطي النار و نغطيه و نسيبه لحد ما يستوي و البطاطس تستوي … تقريبا ربع او تلت ساعة
– لو المية خلصت نزودها و على حسب انت عاوزها تقيله ولا خفيفة (انا عاملها تقيلة شوية)
– هنضربها بمضرب الايد او ممكن نحطها في الخلاط .. بس كده
– انا حطيت شوية شطة على الوش علشان التصوير بس 😅
.
.
🔥 السعرات الحرارية للطبق الواحد ١٤٠ و فيها
⚡ ٧ جرام بروتين
⚡ ٢١ جرام نشويات
⚡ ٤ جرام دهون
.
.
