مواضيع اخرى:
سمبوسة (مش سمبوسك 🙋🏻♂️) بطريقة خفيفة .. ٣٥ سعر حراري للواحدة
.
.
المشكلة الاساسية في السمبوسة و اللي بتخلي السعرات الحرارية اللي فيها عالية هي القلي في الزيت طبعا فعملتها في الفرن و كامت مقرمشة و حلوة جدا و بالنسبة للحشو انت و ضميرك 🤷🏻♂️
في نوع من السنبلة بدقيق القمح الكامل دي هتكون صحية اكتر لكن بالنسبة للسعرات هي هي مش فارقة و مش دي اللي هتخسسك .. بس مضبطتش معايا و حسيت ان فيها سمنة كتير اوي فاستخدمت نوع تاني اسمه كرمة الشام حلو اوي .. صورتها 👉🏻
.
.
📝 المقادير .. دي لعشرة سمبوسة
– ٥٠ جرام عجينة سمبوسة (١٠ طبقات او شرياح معرفش اسمها ايه)
– ١٠٠ جرام جبنة بريزيدن لايت
– م ص زيت زيتون
– زعتر او حبة البركة للحشو
.
.
👨🏻🍳 الطريقة
– العجينة هتكون مجمدة هنسيبها بره الفريزر لحد ماتفك
– الحشو سهل جدا هنضيف الزعتر او حبة البركة على الجبنة
– هنبدأ نلفها (ممكن تشوف فيديو على اليوتيوب) بس الحوار ممل اوي الصراحة 😅
– بفرشاه الزيت هندهن صينية زيت زيتون و هندهن السمبوسك برضو من فوق
– هنحطها في فرن على درجة حرارة ١٨٠ لمده ربع ساعة تقريبا
.
.
🔥 السعرات الحرارية للكمية كلها ٣٥٠ و فيها
⚡ ١٨ جرام بروتين
⚡ ٣٢ جرام نشويات
⚡ ١٥ جرام دهون
.
.
⚠️ لو شايف ان السعرات الحرارية كتير و مش ماشية مع نظامك الغذائي .. ببساطة ممكن تعمل نص الكميات اللي فوق و بكدة السعرات هتقل للنص ⚠️
