كفتة فراخ مع مكرونة فيتوتشيني بالصوص الابيض بطريقة صحية و سهلة محسوبة السعرات .. ٥١٥ سعر حراري .. 👇🏻 الطريقة.
.
وصفة سهلة و طريقة مختلفة لصدور الفراخ (الراعي الرسمي لاي دايت 😅)
.
.
📝 المقادير
– ١٥٠ جرام صدور فراخ (الوزن قبل التسوية)
– ٥٠ جرام مكرونة فيتوتشيني او اي مكرونة (الوزن قبل التسوية)
– بصلة صغيرة
– بقدونس
– نص م ص ثوم مفروم
– ١٠٠ ملي لبن نص دسم من جهينة
– م ص دقيق شوفان
– ملح و فلفل اسود
– ثوم و بصل بودر
– بابريكا
– ٢ م ص زيت زيتون
.
.
👨🏻🍳 الطريقة
– هنسلق المكرونة في ميه و ملح بس
– هنفرم الفراخ مع نص البصلة و البقدونس في الكبة
– هنضيف عليها الملح و الفلفل الاسود و الثوم و البصل البودر و البابريكا و نقلبهم كويس
– هنشكلهم على شكل كور صغيرة
– في طاسة سخنة هنحط م ص زيت زيتون (نار عالية)
– هنحط كور الفراخ و نسيبها تاخد لون و نقلب لحد ما تاخد لون من كل حته
– هنوطي النار و نغطيها و نسيبها تستوي و بعدين نحطها على جنب
– في نفس الطاسة هنحط باقي البصل و الثوم و نقلب لحد ما يدبلو و بعدين نحط عليهم دقيق الشوفان و نقلب بعدين نضيف اللبن و نسيبهم دقيقتين على نار هادية
– هنضيف المكرونة و الفراخ و نقلب و نسيبهم على نار هادية شوية
.
.
🔥 السعرات الحرارية للوجبة كاملة ٥١٥ و فيها
⚡ ٤٤ جرام بروتين
⚡ ٤٨ جرام نشويات
⚡ ١٥ جرام دهون
.
.
⚠️ لو شايف ان السعرات الحرارية كتير و مش ماشية مع نظامك الغذائي .. ببساطة ممكن تعمل نص الكميات اللي فوق و بكدة السعرات هتقل للنص ⚠️
