مواضيع اخرى:
صدور الفراخ الراعي الرسمي لاي نظام غذائي سواء بنخس او بنزيد عضل 😅 فيها نسبة بروتين كويسة و الدهون قليلة جدا غير ان سعرها كويس 👏🏻
.
.
علشان مانزهقش هنزل وصفات بسيطة جدا بس بتتبيلة مختلفة علشان نغير الطعم
.
.
انا بعمل كمية اول الاسبوع و اقسمها على وجبات و اسيبها في التلاجة علشان مش فاضي اطبخ كل يوم فالموضوع بيكون سهل .. بطلع الفراخ و اسخنها في الميكرويف او على الجريل مع شوية رز او مكرونة و شكرا
.
.
الناس اللي بتاكل صدور الفراخ مسلوقة بس .. ليه يا حبيبي بتعمل في نفسك كده ! 🤦🏻♂️
.
.
📝 المقادير
– ٢٠٠ جرام صدور فراخ .. الوزن قبل التسوية
– ٧٠ جرام رز بسمتي .. الوزن قبل التسوية
– ٥٠ جرام بسلة مجمدة .. الوزن قبل التسوية
– بابريكا مدخنة .. هتلاقوها في سعودي ممكن تستخدم العادية بس الطعم متخلف
– م ص زيت زيتون
– ملح و فلفل اسود
– توم و بصل بودر
👨🍳 الطريقة
بالنسبة للرز .. هنحط البسلة في حلة نقلب شوية و بعدين نحط الرز و نزود ميه مغلية و نضيف شوية ملح .. بس كده من غير زيت
نسيبه على نار هادية لحد ما يستوي
الفراخ .. هنغسلها كويس و نحط عليه كل التوابل اللي فوق و زيت الزيتون و نسيبها نص ساعه في التتبيلة
هنحطها في صينية و ندخلها الفرن درجة حرارة ١٨٠ تقريبا ٤٠ دقيقة
.
.
🔥 السعرات الحرارية للوجبة كاملة ٥٧٠ و فيها
⚡ ٥٢ جرام بروتين
⚡ ٦٤ جرام نشويات
⚡ ١٠ جرام دهون
.
.
⚠️ لو شايف ان السعرات كتيرة على نظامك ممكن تعمل نص الكمية و تقسم السعرات على اتنين ⚠️
.
